Të ofrosh produktet më të mira të sigurimeve; të jesh pranë klientëve kur ata kanë nevojë, të respektosh çdo kontratë konform ligjit, pagesat e drejtpërdrejta, ofertat e herëpashershme dhe mundësia që çdokush të sigurojë pronën, shëndetin apo automjetin pavarësisht të ardhurave që ka.
Mbi këto pika kalon suksesi i kompanisë SIGAL UNIQA Group Austria, e cila edhe pas 23 vjetësh në treg, vijon të mbetet numri 1 i sigurimeve në Shqipëri dhe jo vetëm.
Sipas raportit të Autoritetit të Mbikqyrjes Financiare mbi ecurinë e tregut të sigurimeve në Shqipëri për periudhën janar-shtator 2022, shihet qartë dominimi i SIGAL UNIQA mbi kompanitë e tjera që operojnë në tregun e Jo-Jetës.
Nga 8 kompani që ka aktualisht në Shqipëri, SIGAL është në krye me rreth 28% të tregut, shifër konstante që prej themelimit të kompanisë në shkurt 1999.
Shpeshherë dëgjojmë për qytetarë që ankohen për kompanitë e sigurimeve. Dikush pretendon për mospagim e dikush tjetër për pagim jo konform dëmit të pësuar.
SIGAL UNIQA Group Austria ka qënë iniciatore e ndryshimeve të mëdha në këtë drejtim.
U deshën plot 10 vite që operatorët e tregut dhe vetë Autoriteti i Mbikqyrjes Financiare të kuptonin thelbin e kësaj levizjeje që është ne interesin e vetë klientëve.
Në rastet kur përfituesi, i siguruar, dëmtohet nga një i pasiguruar, i paidentifikuar apo që udhëton në shkelje të rregullave të Kodit Rrugor, ai vjen në kompaninë ku është i siguruar dhe paguhet drejtpërdrejtë nga kompania. Më parë këto dëme trajtoheshin nga Byroja Shqiptare e Sigurimeve si fond kompesimi.
Kështu vepron sot edhe SIGAL UNIQA Group Austria.
Çdo klient përfitues, i dëmtuar nga një i pasiguruar, i paidentifikuar, pa patentë, nën ndikimin e pijeve alkolike etj, paguhet drejtpërdrejtë nga SIGAL UNIQA, me këtë të fundit që mund të bëjë rimbursimin e vlerës sipas ligjit, duke ju rikthyer me regres shkaktarit të dëmit.
Pagesa e drejtpërdrejtë e klientit përfitues është një formë që tregu europian i sigurimeve ka kohë që e aplikon.
Një nismë e tillë ka bërë që klientët të rrisin besueshmërinë e tyre ndaj SIGAL-it dhe për pasojë edhe në rritjen e tregut të sigurimeve vullnetare, ku ashtu si në ato të detyrueshme, SIGAL UNIQA Group Austria vijon të jetë lidere e tregut, si në prime të shkruara ashtu edhe në dëme të paguara.
Disa nga avantazhet e trajtimit të drejtpërdrejtë të dëmshpërblimit nga SIGAL UNIQA:
- Rritet cilësia e shërbimit ndaj klientit
- Ulet koha për dëmshpërblimin e nje klienti
- Rritet besueshmëria ndaj tregut të sigurimeve. Aktualisht, nëse një kompani zgjat procedurat, bën vlerësime të pasakta dhe vonon në pagimin e dëmshpërblimit, atëherë kjo ndikon negativisht për të gjithë tregun e sigurimeve.
- Nëse çdo kompani sigurimi do të trajtonte klientin e tij me shpejtësi dhe cilësi, kjo do të ndikonte në rritjen e besueshmërisë në treg dhe klientët do të ofroheshin edhe për siguracione vullnetare (shëndet apo pronë).
- Bëhet një vlerësim më i drejtë për dëmin e shkaktuar, pasi për dëme të rëndësishme ekspertiza mund të kryhet nga ekspertë të dy kompanive (përgjegjëse dhe shkaktare).
- Krijon kushte kushte pozitive për rritjen e tregut të sigurimeve vullnetare, duke rritur besueshmërinë ndaj tregut të sigurimeve në përgjithësi.
23 VJET SIGAL, 23 VJET HISTORI SUKSESI
SIGAL u themelua në shkurt të vitit 1999 duke i hapur kështu rrugë tregut privat të sigurimeve në Shqipëri ndërsa që prej 23 mars 2007 SIGAL është pjesë e grupit të madh financiar “UNIQA Insurance Group”, i cili zotëron rreth 87% të aksioneve të kompanisë.
Me mbi 23,500 punonjës, të cilët u shërbejnë mbi 15,5 milionë klientëve në 18 shtete të ndryshme, e bëjnë “UNIQA Insurance Group” një prej gjigandëve të sigurimeve në Europë dhe jo vetëm.
Me një histori mbi 200-vjeçare në tregun e sigurimeve dhe nën moton “Jetojmë më mirë së bashku”, UNIQA Insurance Group punon çdo ditë përmes 40 kompanive të saj të kthejë këtë biznes nga një ofrues i produkteve të sigurimit në një ofrues shërbimi të integruar që mbledh klientët e tyre aty ku ata qëndrojnë në “mjedisin e nevojave” të tyre individuale.
Në këtë frymë, UNIQA Insurance Group solli për herë të parë në Shqipëri përmes SIGAL, Sigurimin Privat të Shëndetit ndërsa sot kompania më e madhe e sigurimeve në Shqipëri, Kosovë dhe Maqedoninë e Veriut, me mbi 1 milion klientë, ofron shërbime inovatore për vendin dhe jo vetëm siç janë “TeleShëndet” apo “Jetë Plus”.
SIGAL UNIQA është e vetëdijshme për besimin e madh të qytetarëve, prandaj përgjegjësia e saj karshi tyre është e dyfishtë.
