Duke analizuar shpërndarjen gjeografike të primit të shkruar bruto, vërehet një përqendrim i tregut të sigurimeve në prefekturat e mëdha, si Tirana me 60.50% të totalit të primeve të shkruara bruto gjatë vitit 2021, Durrësi me 7.39%, Fieri 4.98%, Shkodra 4.63% dhe Korça 4.47%. Kjo tendencë përqendrimi ka vijuar e tillë për një periudhë 14-vjeçare.
Primet për Sigurimet e Jo-Jetës sipas qarqeve
Primet për Sigurimet e Jetës sipas qarqeve
Një tregues tjetër i rëndësishëm i tregut të sigurimeve është dendësia e sigurimeve. Për vitin 2021 ky tregues është rreth 6,887 lekë për frymë, me një rritje rreth 1,023 lekë krahasuar me një vit më parë.
Përsa i përket primit për frymë sipas prefekturave, prefektura Tiranë me 12,660 lekë për frymë zë vendin e parë, e pasuar nga prefektura Gjirokastër me 6,227 lekë për frymë dhe më tej Durrësi me 4,879 lekë për frymë, Vlora me 4,624 lekë për frymë dhe Shkodra me 4,614 lekë për frymë.
LEXO PUBLIKIMIN E PLOTË DUKE KLIKUAR KËTU
Nuk duhet harruar që, vendi i Bashkimit Europian me shpenzimet më të ulëta për prime sigurimi është Rumania me 120 euro në vit, ndërsa mesatarja europiane vlerësohet në më shumë se 2 mijë euro për frymë në vit.
Sa i përket SHBA dhe Zvicrës, primi mesatar për frymë arrin në rreth 7 mijë euro në vit.
