Dollari amerikan e ka nisur javën pozitivisht pasi është blerë këtë mëngjes me 101.9 lekë dhe është shitur me 102.7 lekë në raport me javën e kaluar sipas kursit të këmbimit lokal.
Monedha europiane gjithashtu ka regjistruar rritje të kuotës këtë të hënë pasi në raport me ditën e djeshme është blerë sot me 110.9 lekë dhe është shitur me 111.6 lekë.
Franga zvicerane sakaq blihet sot me 113.1 lekë dhe shitet me 114 lekë duke shënuar kështu një rritje të konsiderueshme të vlerës në raport me javën që lamë pas.
Paundi britanik nuk bën përjashtim pasi edhe ai ka shënuar rritje duke u blerë mëngjesin e sotëm me 126.7 lekë dhe duke u shitur me 127.8 lekë referuar tregut të brendshëm valutor.
