Kryeministri Edi Rama ka njoftuar përmes një postimi në rrjetet sociale se duke nisur nga sot eliminohen pritjet dhe kosto e tepërta për qytetarët dhe subjektet të regjistrojnë mjetet për herë të parë.
Në një video të postuar në Facebook, kreu i qeverisë shprehet se nga dita e sotme hiqen mbi 60 mijë praktika në vit që kërkonin përkthime e noterizime njehsime me origjinalin nga dokumentet me gjuhë të huaj.
Sipas Ramës, në këtë mënyrë, qytetarëve u kursehen 300.000.000 lekë në vit.
Nga 24 Janar 2022, DPSHTRR njeh po ashtu dokumentet e origjinës dhe dokumentet teknike në gjuhën angleze, dokumentet teknike nga prodhuesi nga vendet e BE ose sipas formatit të kodeve të Direktivave të KE dhe të dhënat e fitimit të pronësisë sipas deklaratës doganore.
Lexo edhe: ‘Alto Sh.p.k’, përfaqësuesi i vetëm i Toyota/ I vetmi distributor që ofron 10 vite garanci
