Katër automjete përplasen me njëra-tjetrën në Lezhë-Shëngjin, e pëson edhe qytetari me biçikletë

Një aksident i katërfishtë ka ndodhur pak minuta më parë në aksin rrugor Lezhë-Shëngjin, në vendin e quajtur “Lagjja e Shaljanve”.

Një automjet i cili lëvizte me shpejtësi ka humbu kontrollin, e për pasojë ka përplasur një person që lëvizte me biçikletë dhe 3 automjete të tjera, të cilat ishin të parkuara pranë një lokali, buzë rrugës.

LEXO EDHE: Vala e aksidenteve dhe kostot në xhepat e qytetarëve/ Apel për Sigurimin e Përgjegjësisë ndaj Palëve të Treta

Automjetet kanë pësuar dëme të konsiderueshme, ndërsa njëri prej tyre ka përfunduar në lokalin pranë rrugës, duke thyer xhamin.

Nga aksidenti ka mbetur i plagosur drejtuesi i biçikletës, i cili është dërguar me urgjencë në spitalin e Lezhës.