Federata Jordaneze e Sigurimeve ka nënvizuar masat se si mund të ndihmojë qeveria për promovimin dhe zhvillimin e industrisë së sigurimeve në mbretëri.
Maher Al Hussein, drejtor i përgjithshëm i JIF, tha për “Al-Ghad” se masat e mëposhtme do të ndihmonin në rritjen e kontributit të sektorit të sigurimeve jordaneze:
- Liberalizimi i tarifave të sigurimit të detyrueshëm për të ndaluar humbjet nga marrja në sigurim.
- Motivimin e siguruesve për t’u shkrirë me njëri-tjetrin për rritjen dhe fuqizimin e kapaciteteve të tyre financiare, krijimin e insitucioneve të forta ekonomike dhe dizenjimin e skemave të reja të sigurimit për të përmbushur nevojat e individëve dhe të organizatave.
- Rishikimin e marrëveshjes së unifikuar të sigurimit motorik lidhur me lëvizjen e automjeteve ndërmjet vendeve arabe në kuadër të zhvillimeve që kanë ndodhur që prej nënshkrimit të saj në vitin 1975 në në mënyrë që të mund të ruajë interesat e të gjitha palëve të marrëveshjes. Zhvillimet përfshijnë kushtet ekonomike dhe politike me të cilat përballen disa vende arabe të cilat e kanë bërë të vështirë kompensimin e dëmeve.
- Amendimi i legjislacionit të taksave për ofrimin e incentivave për blerjen e policave të sigurimit të jetës dhe sigurimeve mjekësore si edhe të llojeve të tjera të sigurimit.
