Policia e Kosovës ka njoftuar për mbylljen e një lokali në Prizren.
Lokali në fjalë është mbyllur nga inspektorët sanitarë pasi dyshohet se shtatë persona janë helmuar nga ushqimi që kanë konsumuar në ambjentet e tij.
Persona që u helmuan u dërguan në spital, ndërsa rasti po hetohet.
“Raportohet se shtatë persona dyshohet se janë helmuar me ushqim, Njësitë relevante policore, një ekipe e ndihmës së shpejtë dhe inspektorët sanitarë kanë dal në vendin e ngjarjes. Personat e helmuar janë dërguar në spitalin e Prizrenit për trajtim mjekësor, ndërsa lokali ku janë shërbyer me ushqim është mbyllur nga inspektorët sanitar. Rasti vazhdon të hetohet”, thuhet në raportin e policisë.
