Ndërsa temperaturat bien dhe turmat e turistëve fillojnë të pakësohen, shtatori dhe tetori janë muaj fantastikë për një pushim në natyrë dhe për ecje.
Gjithashtu do të shijoni një kaleidoskop të ngjyrave të vjeshtës.
Ja çfarë këshillon “EuroNews“:
Malet Pyrenees
Temperaturat në Pyrenees fillojnë të bien në shtator dhe tetor, duke sjellë kushte më të freskëta, të përsosura për ecje.
Vargmalet në kufirin franko-spanjoll, mund të kenë një larmi të madhe kushtesh të ndryshme në çdo ditë të caktuar, nga ultësirat në jug deri në luginat më të larta mbuluar me re në veri.
Lugina Duoro, Portugali
Lugina Duoro në Portugalinë veriore ofron disa nga shtigjet më të mira të ecjes në vend.
Kodrat madhështore janë gdhendur në tarraca të krijuara nga njeriu, që përfitojnë nga kushtet e përkryera të rritjes së rrushit në rajon.
Vera është prodhuar në rajon për më shumë se 2000 vjet.
Sezoni i vjeljes së rrushit në Luginën Duoro zakonisht fillon në shtator, duke e bërë vjeshtën kohën e përsosur për të eksploruar gjithçka që ofron.
Pylli Fontainebleau, Francë
Pylli Fontainebleau është pylli i dytë më i madh kombëtar i Francës dhe është vetëm 40 minuta me tren nga Parisi.
Ka më shumë se 1000 kilometra shtigje ecjeje, më i njohuri prej të cilëve është qarku Massif des Trois Pignons, i cili përshkon skajin e pyllit.
Malet Tatra
Malet Tatra janë pjesë e Karpateve që formojnë një kufi natyror midis Polonisë dhe Sllovakisë.
Shumë shtigje janë jashtëzakonisht të aksesueshme duke e bërë atë vendin e përsosur për alpinistët me përvojë të kufizuar të ecjes nëpër male.
Në anën sllovake, ju mund të merrni edhe një teleferik si Kasprowy Wierch që ju çon në majën Lomnitz, mali i dytë më i lartë i Tatras së Lartë me 2634 m.
Shtegu Rila Traverse, Bullgari
Ky është një udhëtim shtatë-ditor që kalon nëpër liqene akullnajore, majat e thepisura, pyjet halore dhe parqet kombëtare.
Megjithatë, nuk është një për fillestarët.
Shumica e shtigjeve janë të shënuara qartë, por kushtet e pafavorshme të motit mund t’i vendosin aventurierët në vështirësi.
LEXO EDHE: 78% e shqiptarëve zgjodhën këtë kompani sigurimi për ti besuar “Shëndetin në Udhëtim”
