Anëtarësimi i Bjellorusisë dhe Rusisë në Këshillin e Byrove të Siguruesve Motorikë do të pezullohet më 30 qershor 2023.
Ndërkohë marrëdhëniet e Bjellorusisë me vendet europiane anëtare të Byrosë së Kartonit Jeshil janë ndërprerë tashmë prej datës 1 qershor.
Policat e “Kartonit Jeshil” të lëshuara nga kompani sigurimi bjelloruse nuk do të vlejnë më as në Shqipëri ndaj detyra e Policisë së Shtetit është të ndalojë futjen në territor shqiptar të çdo mjeti me targa ruse ose bjelloruse që nuk pret më parë siguracionin “Polica Kufitare” në Shqipëri.
LEXO EDHE: Si i përballon sistemi i “Kartonit Jeshil” sfidat që shkaktoi lufta në Ukrainë
Sistemi i Kartonit Jeshil ka 48 anëtarë, kryesisht shtete europiane por edhe disa shtete që kufizohen nga deti Mesdhe dhe Irani.
Me siguracionin “Karton Jeshil” ju mund të udhëtoni të qetë në këto shtete:
Belgjikë, Zvicër, Republika Çeke, Danimarkë, Francë, Finlandë, Mbretëri e Bashkuar, Greqi, Irlandë, Luksemburg, Norvegji, Holandë, Suedi, Sllovaki, Gjermani, Itali, Spanjë, Hungari, Portugali, Serbi, Austri, Poloni, Turqi, Rumani, Izrael, Marok, Tunizi, Islandë, Bullgari, Maltë, Estoni, Kroaci, Slloveni, Maqedoni e Veriut, Bosnje Hercegovina, Andorra, Qipro, Moldavi, Ukrainë, Letoni, Bjellorusi, Lituani, Rusi, Mali i Zi, Azerbajxhan. /Sigurime.online
