Të paktën 238 persona kanë humbur jetën si pasojë e temperaturave rekord në Portugali në vetëm një javë.
Shumica e viktimave ishin njerëz të moshuar me sëmundje ekzistuese, tha ministria e Shëndetësisë së vendit.
Temperaturat iu afruan 50°C në qytetin Pinhao të enjten, një rekord në korrik. zjarret kanë vazhduar të shpërthejnë në të gjithë Portugalinë, Spanjën fqinje, Francën dhe Kroacinë në 10 ditët e fundit, duke detyruar mijëra banorë dhe turistë të evakuohen.
Franca ka evakuuar më shumë se 14,000 njerëz të kërcënuar nga zjarret në jugperëndim, pasi zjarret u përhapën edhe në Spanjë, Kroaci dhe Greqi.
Valët e të nxehtit janë bërë më të shpeshta, më intensive dhe zgjasin më gjatë për shkak të ndryshimeve klimatike.
Shumë vende po përgatiten për një mot me temperatura shumë të larta, të cilat kana pasur shumë pasoja negative.
LEXO EDHE: Zjarr pranë Himarës, dy vatra zjarri edhe në Durrës/ Në një prej tyre rrezikohen banesat
