Një tërmet i magnitudës 7.3 ballë i shkallës Richter është regjistruar në rajonin Tohoku në Japoni në orët e pasdites.
Goditja e ka pasur epiqendrën në det, në 60 kilometra thellësi.
Sipas Agjencisë Meteorologjike Japoneze, lëkundja ka qenë pranë prefekturës së Fukushimës. Për momentin nuk ka sinjalizime për viktima.
Vetëm në qytetin e Tokios rreth 700 mijë banesa kanë mbetur pa energji elektrike.
Agjencia japoneze për energjinë elektrike ka njoftuar se po bëhen kontrolle nese tërmeti ka dëmtuar centralin bërthamor të Fukushimës, që 11 vite më parë u godit nga një cunami.
