Në rast humbjeje jete si pasojë e një aksidenti, përfituesit marrin 100% të shumës së siguruar të përcaktuar në policë.
3-5 milionë lekë, në varësi të policës.
Kontrata mbulon gjithashtu paaftësinë e përhershme të plotë ose të pjesshme, ku dëmshpërblimi llogaritet sipas shkallës së dëmtimit dhe tabelës së përfitimeve të parashikuar në kontratë.
Për paaftësinë e përkohshme, i siguruari përfiton shpërblim ditor për një periudhë deri në 180 ditë pune. Pagesa bëhet e plotë nëse personi nuk mund të ushtrojë aktivitetin e tij profesional dhe 50% nëse ai mund të vazhdojë punën pjesërisht.
Polica mbulon edhe shpenzimet mjekësore të shkaktuara nga aksidenti, përfshirë vizitat, trajtimet dhe medikamentet e rekomanduara nga mjeku. Rimbursimi kryhet mbi bazën e faturave tatimore dhe deri në limitin vjetor të përcaktuar në policë, për shërbimet e ofruara nga rrjeti mjekësor i miratuar.
Ky sigurim synon të ofrojë mbështetje financiare për pasojat e ngjarjeve të papritura aksidentale, duke mbuluar si humbjen e të ardhurave ashtu edhe kostot e trajtimit mjekësor.
