Skyweb sillte të përpunuara në shqip këshillat e FT. Këtyre kësihillave, si qershi mbi krye, do t’u shtojmë një arsye të njëmbëdhjetë dhe mbase më kryesoren, sigurimin dhe kulturën e mbrojtjes së arritjeve
1. Kuptoni rregullat e parasë
Paraja dhe financat mungojnë shpesh në edukimin shkollor, edhe pse janë thelbësore për jetën e përditshme. Kontrolli i parasë fillon me të kuptuarit e fluksit financiar: sa para hyjnë, sa dalin dhe kur ndodh kjo. Buxhetimi, menaxhimi i shpenzimeve dhe krijimi i një fondi sigurie ndihmojnë në shmangien e borxheve dhe në ndërtimin e një marrëdhënieje të shëndetshme me paranë që në moshë të re.
2. Çfarë mund të mësojmë nga më të pasurit?
Pasuria nuk shpërndahet në mënyrë të barabartë. Miliarderët nuk janë domosdoshmërisht shumëfish më të zgjuar se të tjerët; pasuria e tyre shpesh vjen nga trashëgimia, rreziku, shkallëzimi i bizneseve dhe fati. Kuptimi i këtij realiteti ndihmon të shmangim krahasimet e gabuara dhe ndjenjat e panevojshme të dështimit.
3. Fillimi i hershëm shpërblehet
Shumë njerëz e kuptojnë rëndësinë e kursimit dhe investimit vetëm vonë. Edhe shuma të vogla, të vendosura rregullisht, rriten me kalimin e kohës. Ashtu si stërvitja fizike, përkushtimi i vazhdueshëm financiar sjell rezultate të mëdha në planin afatgjatë.
4. Pasurimi është një proces i ngadaltë
Nuk ekzistojnë rrugë të shpejta drejt pasurisë. Pasurimi kërkon aftësi të vlefshme, punë të palodhur, kursim dhe investim të mençur. Skemat për t’u pasuruar shpejt zakonisht përfundojnë me humbje. Thjeshtësia dhe disiplina janë çelësi.
5. Kostoja e fshehur e mikropagesave
Shpenzimet e vogla, por të shpeshta, krijojnë iluzionin e shpenzimit minimal. Në realitet, të mbledhura gjatë vitit, ato mund të arrijnë shuma të konsiderueshme. Ndërgjegjësimi për këtë ndihmon në marrjen e vendimeve më të zgjuara financiare.
6. Fuqia e interesit të përbërë
Interesi i përbërë është aleati më i madh i investitorëve dhe armiku kryesor i borxhit. Investimet rriten mbi rritje, ndërsa borxhet shtohen përmes interesit. Sa më herët të kuptohet kjo, aq më e fortë bëhet baza financiare për të ardhmen.
7. Investimi nuk është vetëm për të pasurit
Investimi nuk është luks. Edhe kontribute mujore të vogla mund të rriten ndjeshëm me kalimin e viteve. Mbajtja e parave vetëm në kursime shpesh nënkupton humbje reale për shkak të inflacionit. Tregjet financiare janë mjete ndërtimi pasurie, jo lojë fati.
8. Automatizoni vendimet financiare
Mendimi i vazhdueshëm për paranë është stresues. Automatizimi i kursimeve dhe investimeve ul lodhjen mendore dhe përmirëson disiplinën financiare.
9. Inflacioni dhe vlera e parasë
Një njësi monetare sot vlen më shumë sesa e njëjta njësi nesër. Inflacioni rrit çmimet dhe, në mënyrë të fshehtë, edhe barrën tatimore.
10. Qiraja nuk është domosdoshmërisht humbje
Blerja e një shtëpie nuk është gjithmonë zgjedhja më e mirë; interesat e kredisë, taksat dhe mirëmbajtja mund ta bëjnë qiranë konkurruese.
11. Siguro vlerën e arritjeve
Gjithçka që arrihet, në çdo hap, kryesisht është e rrezikuar. Rreziku i të humburit në një çast është prezent. Financat dhe koha janë të limituara. Në mënyra që humbja apo dëmtimi i arritjeve, të mos jetë bllokues, të mos shumëzojë me zero, këshilla është një dhe e vetme: SIGURO sa më shumë! Prona, makina, shëndeti, përgjegjësia, udhëtimi, garancia, kontrata, gjithçka mund të bëhet zero nëse nuk tregon kujdesin e duhur për ta mbrojtur financiarisht.
