Autoriteti i Mbikëqyrjes Financiare (AMF) do të licencojë në mbledhjen e fundit për këtë vit “Vienna Life Insurance” – “Vienna Sigurim Jete” për të ushtruar veprimtari sigurimi në klasat e jetës në territorin e Republikës së Shqipërisë.
Njoftimi i AMF: https://amf.gov.al/news.asp?id=53238
Kjo do të jetë shoqëria e pestë që operon në tregun e Jetës, pas hyrjes më të fundit të Albsig Jetë në vitin 2019.
Në tregun e sigurimeve të Jetës në Shqipëri operojnë aktualisht SIGAL Life, Sicred, Albsig Jetë dhe Insig Jetë.
Tregu i sigurimit të jetës në Shqipëri ka ende përmasa modeste dhe mbështetet kryesisht në sigurimin e jetës së debitorit, një produkt i kërkuar nga bankat.
Për 10-mujorin 2024, sipas raportit të AMF, primet e shkruara bruto në tregun e sigurimit të jetës arritën në 1.64 miliardë lekëve, në rritje me 8.5% krahasuar me një vit më parë. Primet e sigurimit të jetës përbëjnë rreth 8.1% të volumit të përgjithshëm të tregut të sigurimeve.
Kompania lider në këtë treg vijon të jetë SIGAL Life, e cila zë 41% të tij.
LEXO EDHE: Besim i palëkundur/ SIGAL e mbyll edhe 10-mujorin në krye të tregut të sigurimeve
