Përmbytjet e mëdha në të gjithë Spanjën lindore dhe jugore pritet të jenë ndër ngjarjet më të kushtueshme të sigurimit të vendit, me vlerësimet fillestare shumë mbi 1 miliard euro (1.65 miliardë dollarë).
Përmbytjet e javës së shkuar u pasuan me stuhi të forta ndërsa mijëra godina dhe automjete u dëmtuan dhe mbi 200 njerëz humbën jetën duke e bërë atë një nga përmbytjet më vdekjeprurëse të Evropës që nga viti 2000.
Valencia, e cila ka më shumë se 2.5 milionë banorë, mori më shumë se një muaj reshje në 24 orë më 29 tetor, me disa lumenj të tejmbushur.
Analiza fillestare e “Aon” parashikon “humbje të konsiderueshme financiare”, me sektorët e pronës, industriale, tregtare dhe bujqësore që pritet të goditen rëndë.
Vlerësimi vëren se rreth 77% e familjeve në provincën e Valencias kanë mbulim shtëpie – 3% më shumë se mesatarja kombëtare.
“Ndërsa vlerësimet vazhdojnë dhe ngjarja përparon në rajone të tjera të gadishullit, sektori i sigurimeve po përgatitet për një nga ngjarjet potencialisht më të kushtueshme në Spanjë”, tha Aon.
“Dëmet e siguruara do të mbulohen nga konsorciumi i sigurimeve (Consorcio de Compensacion de Seguros) dhe siguruesit privatë, ndërsa dëmet bujqësore mbulohen përmes Agroseguro”.
Agjencia e vlerësimit të kredisë Morningstar DBRS thotë se është shumë herët për një vlerësim të saktë të humbjes, por pret që shifra të jetë “disa miliardë euro”.
LEXO EDHE: Sigurimet mundësojnë siguri, stabilitet financiar dhe rritje ekonomike
