Me luhatjen e temperaturave këto ditë ka nisur të rëndohet situata epidemiologjike në vend.
Nëpër qendra shëndetësore ka fluks të shtuar pacientësh të cilët paraqiten për ndihmë mjekësore si fëmijët dhe të rriturit.
Vetëm një mjek realizon 30 vizita në ditë.
“Ka shumë viroza që po qarkullojnë të favorizuara nga luhatjet e temperaturave të cilat favorizojnë shtimin dhe qarkullimin e bakterieve”, thonë mjekët.
Infeksionet respiratore shoqërohen shpesh edhe me temperaturë te pacientët.
“Kanë rrjedhje hundësh, gërricje fyti, këputje”.
Përveç virozave të stinës ka edhe raste me covid 19.
“Ka raste të cilat i diagnostikojmë edhe nga simptomat por edhe me rapid test që rezultojnë covid pozitiv”.
Rekomandimet e mjekëve janë shtimi i sasisë së frutave dhe perimeve në menunë e përditshme.
LEXO EDHE: Fluks qytetarësh në Urgjencat e Spitaleve/ Pse na nevojitet “TeleShëndet” dhe çfarë na mundëson
