Dy automjete janë përfshirë në një aksident mesditën e sotme në Gjirokastër, në vendin e quajtur “Kthesa e Viroit”.
Sipas informacioneve paraprake, raportohet jo vetëm për dëme materiale pasi edhe dy drejtuesit e automjeteve kanë mbetur të lënduar.
Shkak për aksidentin mendohet se është bërë lagështia në rrugë dhe mjegulla e dendur.
LEXO EDHE: Keni siguracionin TPL dhe jeni përfshirë në një aksident? Ja si duhet të veproni
Njoftimi i policisë Gjirokastër:
“Rreth orës 14:10, në aksin rrugor “Gjirokastër-Tepelenë”, në vendin e quajtur “Kthesa e Viroit”, automjeti me drejtuese shtetasen L. S., 37 vjeçe, është përplasur me automjetin me drejtues shtetasin A. B., 23 vjeç.
Nga përplasja janë dëmtuar 2 drejtuesit e automjeteve, të cilët janë dërguar në spital, ku po marrin asistencë mjekësore dhe janë jashtë rrezikut për jetën.
Grupi hetimor po punon për sqarimin e rrethanave të aksidentit”.
LEXO EDHE: Aksident në Librazhd/ Përplaset kamioni me veturën, tre të plagosur
