Krishtlindja është një kohë jashtëzakonisht e ngarkuar për shumë njerëz. Logjikisht edhe për ty. Flini më pak se zakonisht, udhëtoni më shumë dhe shoqëroheni me më shumë njerëz. Ndonjëherë, “largoheni” pak nga orari juaj i rregullt.
Të gjitha këto ndryshime mund të prishin ndjeshëm proceset biologjike që e mbajnë trupin të funksionojë çdo ditë.
Kjo, nga ana tjetër, madje mund të rrisë shanset që ndiheni të lodhur fizikisht dhe mendërisht.
Pra, që të mos hyni në vitin e ri të rraskapitur, më poshtë mund të shihni 3 gjërat që mjekët nuk bëjnë gjatë pushimeve.
Ata nuk janë shumë të angazhuar në ndërveprime sociale
Sipas Dr. Benedict Ifedi të mos e teprojë me aktivitetet sociale gjatë festave është e rëndësishme për shëndetin mendor.
Vetë ai thekson se nuk është keq të thuash “jo” kur nuk ke dëshirë të shoqërohesh me shumë njerëz.
Idealja është të gjeni një ekuilibër midis pushimit dhe kalimit të kohës me familjen tuaj.
Ata nuk e anashkalojnë plotësisht aktivitetin fizik
Dr. Eric Holder, një terapist fizik në Yale Medicine, sigurohet që të bëjë edhe një formë ushtrimi gjatë pushimeve. Qëndrimi ulur për orë të gjata, gjë që priret të ndodhë në këtë periudhë të vitit, mund të shkaktojë grumbullimin e gjakut në trupin tuaj (duke rritur rrezikun e mpiksjes së gjakut), të shkaktojë dhimbje në shpinë dhe shtyllën kurrizore dhe të ndikojë në kontrollin e sheqerit në gjak.
Për të luftuar këto rreziqe shëndetësore, aktiviteti i rregullt fizik është thelbësor, tha Dr. Holder.
Aktiviteti fizik mbron funksionin e zemrës dhe mushkërive, rrit disponimin tuaj dhe përmirëson cilësinë e gjumit.
Ata nuk lejojnë që stresi t’i mposhtë
Pushimet janë një kohë e natyrshme stresuese, kjo është arsyeja pse Dr. Majid Basit, një kardiolog në Memorial Hermann Medical Group, tha se është jetike që ta bëni veten një prioritet.
Stresi i tepërt mund të rrisë presionin e gjakut dhe, në disa raste, të shkaktojë ritme të parregullta të zemrës. Mund të mos jetë e mundur të shmangni plotësisht stimujt që shkaktojnë stres, por menaxhimi i këtij stresi është jetik.
