Viti 2023 rezulton të ketë qenë një vit bumi për importin e makinave nga Korea duke përmbysur ndjeshëm tendencën e viteve të fundit.
Sipas të dhënave të INSTAT, rezulton se në vitet 2021-2022 importi mujor i mjeteve të transportit nga Korea e Jugut varion nga 100 deri në 400 milionë lekë.
Totali vjetor i importeve arrinte në 3 miliardë lekë.
Ndërkohë, në vitin 2023, importi mujor i tyre ka kaluar në nivele 500 deri në 1.1 miliard lekë e këtë vit shifra totale tejkalon nivelin e 6 miliardë lekëve.
Rekordin historik të blerjeve të mjeteve të transportit nga Korea e Jugut këtë vit e mbajnë muajt shtator dhe tetor ku janë importuar përkatësisht mjete me vlerë 1 dhe 1.1 miliardë lekë.
Pavarësisht rritjes së fortë të importeve të mjeteve nga Korea e Jugut, sërish janë vendet europiane ato që kryesojnë listën e vendeve nga ku Shqipëria importon mjetet.
Në vend të parë është Italia, e ndjekur nga Gjermania në vend të dytë e Korea në vend të tretë që ka lënë tashmë pas edhe Zvicrën edhe Shtetet e Bashkuara të Amerikës.
Shkaku se pse makinat aziatike, e veçanërisht ato nga Korea po gjejnë vend gjithnjë e më shumë në tregun shqiptar kanë si arsye kryesore, çmimin e lirë të tyre.
LEXO EDHE: Mbi 800 milionë dëme në 10-muaj/ SIGAL UNIQA, e para edhe në Sigurimet e Automjetit
