Një aksident me pasojë 5 të plagosur ka ndodhur pasditen e sotme në rrugën nacionale Lushnjë-Berat.
Një mjet i tipit “Fuoristradë” ka dalë nga rruga, ndërsa mësohet se të lënduarit janë transportuar në spitalin e Lushnjës, ku po marrin ndihmë mjekësore.
“Rreth orës 18:00, në aksin rrugor “Lushnjë-Berat”, në fshatin Stan Karbunarë, shtetasi D. F., 42 vjeç, duke drejtuar automjetin tip “Toyota”, ka humbur kontrollin mbi drejtimin e automjetit dhe për pasojë automjeti ka dalë nga rruga.
Si pasojë e daljes nga rruga, është dëmtuar drejtuesi i mjetit, shtetasja E. F., 37 vjeçe dhe fëmijët e tyre të mitur, të moshave 14 vjeç, 13 vjeç dhe 7 vjeç, të cilët ndodhen në Spitalin e Lushnjes, në kujdesin e mjekëve”, njofton Policia.
Grupi hetimor po punon për zbardhjen e rrethanave të aksidentit.
