Tërmetet masive që goditën Turqinë dhe Sirinë më 6 shkurt nuk kanë shkaktuar ndonjë ndikim të menjëhershëm në sektorin e sigurimeve në Egjipt, sipas deklaratave të një drejtuesi i lartë i risigurimeve.
Tregu egjiptian i sigurimeve do të presë raportet e lëshuara pas këtyre fatkeqësive në lidhje me masën në të cilën rajoni është prekur nga fatkeqësia dhe mundësinë e një përsëritjeje, përveç faturës së dëmshpërblimit që kompanitë e sigurimeve do të paguajnë në vendet e prekura, si pasojë e dëmeve të shkaktuara nga tërmetet e forta.
Mbulimi i sigurimit nga fatkeqësitë shitet bashkë me policat e tjera të sigurimit, si zjarri, sigurimet inxhinierike dhe ato motorike.
Bëhet thirrje që sektori i sigurimeve këto rreziqe t’i vlerësojë veçmas duke qenë se intensiteti dhe shpeshtësia e fatkeqësive ka ardhur duke u rritur vitet e fundit.
Pool në Sigurime
Khaled Al-Qalyoubi, ish-kreu i sektorit të emetimit dhe rreziqeve për një kompani sigurimesh, i kërkon sektorit të sigurimeve që së shpejti të arrijë një marrëveshje për të krijuar një grup për të mbuluar, nën ombrellën e Federatës së Sigurimeve të Egjiptit, fatkeqësitë natyrore që mund të prekin vendin.
Një tjetër ndërmjetës i sigurimeve, Ehab Khedr, i bën thirrje Federatës që të krijojë shpejt një grup sigurimesh nga fatkeqësitë natyrore duke shtuar se sigurimi për fatkeqësitë duhet të bëhet i detyrueshëm.
Një konsulent i industrisë së sigurimeve Hisham Shaqwer thekson se aktualisht kërkesa për sigurimin Nat CAT vjen kryesisht nga klientët e korporatave që zotërojnë hotele, fshatra turistikë, fabrika dhe zyra, ndërkohë që shumë pak individë blejnë një mbulim të tillë.
Ai tregon gjithashtu për përpjekjet e Federatës së Sigurimeve të Egjiptit për të rritur ndërgjegjësimin e qytetarëve mbi rëndësinë e sigurimeve.
