Një studim i ri nga “AgeCalculator.com” zbulon se Bullgaria pa rritjen më të lartë, prej 13.26%, sa i përket moshës mesatare të daljes në pension midis viteve 2000 dhe 2020.
Estonia dhe Letonia plotësojnë Top 3. Ndërsa 4 vende të tjera të Evropës Qëndrore dhe Lindore janë përfshirë në Top 10.
Studimi analizoi të dhënat e OECD në lidhje me moshën e daljes në pension në të gjitha vendet e disponueshme nga viti 2000 deri në vitin 2020, për të zbuluar se cilët qytetarë kanë parë rritjen më të lartë.
Bullgaria zë vendin e parë me një rritje prej 13.26% në moshën mesatare të daljes në pension të vendit midis viteve 2000 dhe 2020. Kjo rezulton nga mosha mesatare e daljes në pension midis burrave dhe grave në vitin 2000 që ishte 56 vjeç; në vitin 2020, ajo u ngjit në 63.
E dyta është Estonia, me një rritje prej 11,93%, ndërsa fqinji i saj, Letonia, renditet e treta me një rritje prej 10,57%. Përkatësisht, këto vende kishin një moshë pensioni 58 dhe 59 vjeç në 2000 dhe 65 në 2020.
Më poshtë në listë, Zelanda e Re, i vetmi vend jo-evropian në top 10, vjen në vendin e katërt me një rritje prej 9.84%. Vendi sheh gjithashtu moshën më të lartë të daljes në pension në listë, pasi ajo u rrit nga 61 në 67 vjeç në vitin 2020.
Hungaria mbyll pesëshen e parë me një rritje prej 8.56%.
Dy vende të tjera të Evropës Qëndrore-Lindore ndjekin nga afër: Rumania është e gjashta me një rritje prej 8.42% dhe Sllovenia është e shtata me një rritje prej 8.35%.
Portugalia, Holanda dhe Lituania përfundojnë në top 10.
“Tendenca e rritjes së moshës së daljes në pension në shumë vende pasqyron një ndërveprim kompleks të faktorëve të ndryshëm. Disa prej tyre përfshijnë zgjatjen e jetëgjatësisë së njerëzve, e cila është rritur falë përparimeve mjekësore, presioneve ekonomike që përkthehen në faktin se njerëzit nuk mund të dalin në pension të qetë për shkak të rritjes së kostos së jetesës dhe ndryshimit të demografisë, si rënia e lindjeve dhe plakja e popullsisë”, ka komentuar një zëdhënës i “AgeCalculator.com”.
LEXO EDHE: Aktivizimi i skemave private, Hasa: Ka ardhur koha për kolonën e dytë të pensioneve
