15.5 C
Tirana
Wednesday, April 24, 2024
spot_img
Faqe KryesoreLajmeAktualitetNdotja e ajrit rrit me 80% rrezikun e vdekjes nga kanceri i...

Ndotja e ajrit rrit me 80% rrezikun e vdekjes nga kanceri i gjirit

Lidhja alarmante midis ndotjes së ajrit dhe kancerit u zbulua këtë javë në një studim të ri.

Ndërsa lidhja e ndotjes me problemet e mushkërive është e njohur mirë, ndotja është gjithashtu e lidhur me kancerin, duke përfshirë kancerin e gjirit dhe të prostatës, sipas rishikimit të 27 studimeve që do të publikohen të premten.

Ekspozimi afatgjatë ndaj ndotjes së ajrit rrit mundësinë e zhvillimit të kancerit të gjirit me 45 për qind dhe mundësinë e vdekjes nga kanceri i gjirit me 80%.

LEXO EDHE: Rreth 8 mijë persona të prekur nga kanceri në Shqipëri/ Në vitin 2025 priten 7% më shumë raste të reja

Kjo e bën atë ‘një faktor rreziku të rëndësishëm sa duhani, obeziteti dhe alkooli’, sipas kirurgut Kefah Mokbel.

27 studimet u identifikuan nga një bazë të dhënash me qindra botime të rishikuara nga ekspertët që studiojnë rolin e ndotjes në sëmundjet njerëzore.

Shumë nga studimet përfshinin miliona pacientë të cilët u ndoqën për vite me radhë.

Një shqetësim i veçantë janë grimcat 2.5 (PM2.5), fragmente të vogla ndotjeje që vijnë nga tymrat, sobat me dru, gatimi, pirja e duhanit dhe avullimi.

Ato hyjnë në mushkëri, pastaj në gjak dhe qarkullojnë nëpër trup.

“PM2.5 nuk shkakton kollë, por ka prova në rritje se kur rrëshqet në trup mund të shkaktojë dëmtim të heshtur të ADN-së që mund të çojë në kancer”, tha profesori Mokbel.

PM2.5 gjithashtu prish gjëndrat në të gjithë trupin që prodhojnë hormone. Ky është një shqetësim i veçantë për kancerin e gjirit dhe prostatës që mund të nxitet nga hormonet.

“Në një kohë kur po shohim një numër në rritje të grave me kancer gjiri, veçanërisht të moshave të reja, njerëzit duhet të jenë të vetëdijshëm se ndotja e ajrit është një faktor kryesor rreziku për sëmundjen. Ekspozimi afatgjatë ndaj ndotjes PM2.5 jo vetëm që rrit rrezikun e kancerit të gjirit, por gjithashtu duket i lidhur me një sëmundshmëri më agresive”.

Llojet e tjera të kancerit që janë të lidhura me ekspozimin ndaj PM2.5 përfshijnë stomakun, mushkëritë, fshikëzën, zorrët, vezoret dhe mitrën.

Profesor Mokbel rekomandon marrjen e hapave për t’u mbrojtur nga efektet e dëmshme të ndotjes së ajrit.

“Shmangni zonat me ndotje të lartë aty ku është e mundur, por mos u mbështetni te maskat, ato ofrojnë pak mbrojtje kundër këtij lloji të ndotjes. Unë do të rekomandoja gjithashtu të hani një dietë të stilit mesdhetar plot me antioksidantë për të neutralizuar efektin e PM2.5”.

Kjo do të thotë të hash peshk, fruta të tilla si shega, luleshtrydhet, boronicat dhe domatet, perime si lakra jeshile dhe brokoli dhe duke pirë çaj jeshil çdo ditë.

LEXO EDHE: 4 Shkurti, Dita Botërore e Kancerit/ Çfarë ofron SIGAL UNIQA për sëmundjen që merr miliona jetë çdo vit?

spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

REKLAME

spot_img

Me te lexuarat