Italia ecën me shpejtësi drejt lehtësimit të masave anti Covid.
Sipas vendimit të qeverisë, në maj përfundon detyrimi i “Green Pass”.
Sipas asaj që raporton Ansa, mëngjesin e sotëm u vendos që të ruhet detyrimi për paraqitjen e certifikatës së gjelbër në disa zona deri më 30 prill. Ndërsa nga maji nuk do të jetë më i nevojshëm paraqitja e tij.
Regjimi aktual për detyrimin e maskave, i parashikuar në të gjitha ambientet e mbyllura, përfshirë edhe shkollat, do të qëndrojë në fuqi deri më 30 prill.
Vendimet
Rregullat për mbajtjen e maskave mbeten të pandryshuara deri më 30 prill.
Nga muaji prill skadon edhe detyrimi super jeshil në vendin e punës për mbi 50 vjeç.Atyre që kanë tejkaluar këtë prag moshe, për të cilin në përgjithësi detyrimi do të mbetej në fuqi, duhet të kërkojnë në vendin e punës vetëm certifikatën bazë.
Kapaciteti i stadiumeve do të kthehet në 100% nga 1 Prilli dhe do të kërkohet pasaporta e vaksinimit për t’u aksesuar. Ndërsa detyrimi i vaksinimit mbetet në fuqi deri në fund të vitit për personelin shëndetësor.
Italia nuk do të jetë më në gjendje emergjente për Covid-in dhe për rrjedhojë do të skadojë struktura e komisionerit të jashtëzakonshëm. Në vend të tyre duhet të krijohet një njësi operative ad-hoc pranë Ministrisë së Shëndetësisë për të shoqëruar periudhën tranzitore dhe për të përfunduar fushatën e vaksinimit. /Sigurime.Online
