“Mos i lër rrugët në dorë të fatit! Çdo ditë aksidentet marrin jetë dhe plagosin të tjerë. Kujdesi yt nuk është vetëm për ty, është për të gjithë që ndajnë rrugën me ty.
Respekto rrugën, shpëto jetë!”, ishte ky mesazhi i fundjavës së shkuar nga Shoqata e Siguruesve të Shqipërisë, e cila shprehu zyrtarisht shqetësimin për numrin e lartë të aksidenteve në vend, plot 11 të tilla në ditë.
Përmes rrjetit social Facebook, shoqata apeloi përmes mesazheve të ndryshëm sensibilizues, të përpunuar grafikisht, për: respektim të kufirit të shpejtësisë, mospërdorim të telefonit gjatë drejtimit të automjetit, vëmendje ndaj mjeteve si biçikletat dhe monopatinat, respekt ndaj semaforëve dhe sinjalistikës, kujdes i shtuar në kryqëzime dhe sigurinë rrugore.
