Tregu i sigurimeve në Shqipëri ka shënuar rritje të ndjeshme gjatë periudhës janar–korrik 2025.
Ky treg u zgjerua me 8.98% krahasuar me të njëjtën periudhë të vitit të kaluar.
Vëllimi i primeve të shkruara bruto u rrit me mbi 1.27 miliardë lekë, duke arritur shifrën 15.47 miliardë lekë.
Numri i kontratave u rrit, duke shkuar në 929,459, ose 6.81% më shumë se një vit më parë.
Jo-Jeta dominon tregun
Në aktivitetin e sigurimeve të Jo-Jetës, primet e shkruara bruto arritën në 14.13 miliardë lekë, me një rritje prej 8.62%.
Numri i kontratave në këtë kategori u rrit në 831,511, ose 6.11% më shumë se në Janar–Korrik 2024.
Rritje e fortë te sigurimet e jetës
Edhe sigurimet e Jetës shënuan rritje të fortë.
Primet e shkruara bruto arritën në 1.33 miliardë lekë, me një rritje prej 13.18%. Numri i kontratave arriti në 97,928, duke u rritur me 13.20% krahasuar me një vit më parë.
Mbi 4.8 miliardë lekë dëme të paguara
Gjatë kësaj periudhe janë paguar gjithsej 4.80 miliardë lekë dëme, shifër 0.90% më e lartë se në Janar–Korrik 2024.
Numri i dëmeve të paguara u rrit me 2,200, duke arritur në 44,504 raste. Prej tyre, 42,371 i përkasin sigurimeve të Jo-Jetës dhe 2,133 sigurimeve të Jetës.
