Probleme në qarkullimin e automjeteve dhe në transportin ajror ka shkaktuar stuhia arktike e dëborës, që ka mbërthyer Britaninë e Madhe orët e fundit.
Dëbora e dendur çoi në mbylljen e përkohshme të disa aeroporteve në vend, atë të Mançesterit, Liverpulit, Birmingamit e Bristolit. Niveli i dëborës arriti në mbi 40 centimetra në shumë vende, duke shkaktuar edhe bllokime të rrugëve.
Në aeroportin e Frankfurtit, dëbora e dendur çoi në anulimin e të paktën 120 fluturimeve. Probleme edhe në vende të tjerë të veriut të Europës.
Edhe në Shtetet e Bashkuara, i ftohti arktik ka mbërthyer disa shtete federale në zonat qëndrore.
Gjendje emergjence është shpallur në Kentaki e Virxhinia si pasojë e reshjeve të dendura të dëborës, ndërsa edhe banorët e Misisipit e Floridës janë paralajmëruar se mund të përballen me një të ftohtë të pazakontë për zonat e tyre.
Pritet që ky të jetë i ftohti më i ashpër në 15 vitet e fundit.
LEXO EDHE: “Udhëtoni të sigurt këtë dimër”/ Jareci shpjegon çfarë është “AutoSOS”, shërbimi unik i SIGAL
