Rrebeshi i shirave dhe erërat gjatë natës dhe mëngjesit të sotëm ka sjellë disa probleme në rrethin e Pukës.
Reshjet kanë dëmtuar çatinë e spitalit të Pukës, çka ka bërë që pavioni i Patologjisë dhe Pediatrisë të dalin jashtë funksionit pas dëmtimit të çatisë.
Po ashtu, ka dëmtime në disa pallate në qytetin e Fushë Arrëzit, ku është zbuluar çatia nga era e fortë është shkëputur katramaja.
Gjithashtu në disa rrugë nacionale ka rrëshqitje inertesh dhe në akset rurale ka dëmtime të mëdha.
Po kështu energjia elektrike në Pukë mungon që prej pasdites se një dite më parë.
