Zjarri “përpiu” gjithçka/ Familja me 5 anëtarë në qiell të hapur mes temperaturave të ftohta

Lotët e Hamdi Alinj, 63-vjeçarit nga Leshnica e Pogradecit, nuk ndalen teksa sheh shtëpinë e shkrumbuar totalisht.

Ishte një shkëndijë elektrike ajo që do të digjte shtëpinë e tij, teksa ky i fundit ndodhej brenda banesës, së bashku me gruan dhe fëmijët.

Zjarri nuk iu dha mundësi që të nxirrnin asgjë nga shtëpia, ndërsa flakët ‘përpinë’ gjithçka.

I moshuari tregon se i vetmi veprim i tij ishte që të shpëtonte nipin 5-vjeçar, i sëmurë.

Familja Alinj nuk i reziston dot temperaturave të ftohta të këtij janari ndaj dhe ngushëllimin e vetëm e gjejnë në strehimin e përkohshëm tek të afërmit e tyre.

Por kjo nuk është zgjidhje për familjen me 5 anëtarë.

ÇFARË ËSHTË SIGURIMI I PRONËS NGA ZJARRI?

Ky sigurim mbulon të siguruarin nga humbjet ose dëmtimet e zjarrit nga një numër burimesh.

Këto përfshijnë zjarre të shkaktuara nga:

• Energjia elektrike: të tilla si instalimet elektrike të gabuara apo mbinxehja e kabllove të përçimit të elektricitetit);
• Shpërthimet e gazit (lirimi i gominave të tubacioneve si pasojë e mbingrohjes dhe rrjedhja e tyre);
• Zjarri i shkaktuar nga rrufeja që bie direkt mbi objekt, zjarri si pasojë e rënies së mjeteve fluturuese mbi pronë apo ngarkesave të rëna nga ky mjet;
• Zjarri i ardhur nga fqinji.

Kompania e sigurimit mbulon kostot e riparimit dhe kthimit të objektit apo aseteve në gjendjen para dëmit.

A kemi nevojë për sigurimin nga zjarri?

Shtëpia është një nga investimet më të rëndësishme, dhe sigurimi i saj (duke përfshirë sigurimin nga zjarri) na mbron nga një shkatërrim financiar.

Nëse kemi një kredi, do të na kërkohet automatikisht Sigurimi i Shtëpisë për vlerën e kredituar. Por është e nevojshme që ta kemi një sigurim të tillë edhe nëse nuk kemi një kredi.

Nëse nuk duam të mbulojmë nga xhepi ynë kostot e rindërimit të shtëpisë dhe zëvendësimin e humbjeve, Sigurimi i Shtëpisë është një domosdoshmëri.

Kostoja? Duke nisur nga vetëm 5,000 Lekë në vit.