Të paktën 41 emigrantë humbën jetën në një anije të mbytur në ishullin italian të Lampedusa. Lajmi u bë i ditur nga agjencia e lajmeve ANSA.
Sipas ANSA, katër persona që i mbijetuan aksidentit u thanë shpëtimtarëve se ishin në një varkë që kishte lundruar nga Sfax, Tunizia dhe ishte mbytur gjatë rrugës për në brigjet italiane. Mes viktimave mësohet se 3 janë fëmijë.
Pas rreth 6 orësh lundrim, anija prej 7 metrash u përmbys për shkak të një dallge të madhe. Të gjithë emigrantët – sipas të mbijetuarve – përfunduan në det, por vetëm 4 prej tyre mbijetuan.
