Shtëllunga të mëdha tymi janë parë mesditën e sotme në rrugën “Jordan Misja” në kryeqytet. Mësohet se një pallat në ndërtim e sipër, në një kompleks ndërtimesh.
Paraprakisht, nuk raportohet për persona të lënduar por vetëm për dëme materiale. Në vendngjarje ndodhen shërbimet e Policisë së Tiranës dhe ato Zjarrfikëse, të cilat po punojnë për shuarjen e flakëve.
Retë e tymit që janë përhapur në qiellin e Tiranës janë të mëdha dhe për pasojë dhe ndotja e ajrit në këtë zonë ku ndodhen një sërë institucionesh e mijëra banorë, është tepër e lartë.
Shkaku i flakëve nuk dihet ende, por mendohet se janë shkaktuar nga djegia aksidentale e materialeve që përdoren për ndërtim. Megjithatë, do të jetë grupi hetimor dhe forcat zjarrfikëse ato që do të konstatojnë në fund se cila ka qenë arsyeja e zjarrit.
“Më datë 24.04.2023, te “Bulevardi i Ri”, ka rënë zjarr në katin e parë në një pallat në ndërtim e sipër (ka marrë flakë polisteroli duke krijuar shumë tym), dhe si pasojë ka vetëm dëme materiale.
Në vendngjarje ndodhen forcat zjarrfikëse dhe po punojnë për shuarjen e zjarrit. Grupi hetimpr po punon për sqarimin e rrethanave të ngjarjes”, njofton Policia e Tiranës.
