Referuar të dhënave zyrtare të autoriteteve mbikëqyrëse në industritë e sigurimeve të rajonit, Shqipëri, Kosovë dhe Maqedoni e Veriut, për periudhën e parë 4-mujore të vitit 2026, janar-prill, mund të thuhet se në çdo 5 dëme të paguara nga industria e sigurimeve në rajon, 1 paguhet nga SIGAL Insurance Group.
Kjo e dhënë e rendit kompaninë si paguesen kryesore të dëmshpërblimeve në industrinë e sigurimeve në rajon.
Në 4 muajt e parë të vitit 2026, sipas të dhënave zyrtare, SIGAL pagoi 17 milionë euro dëme për afërsisht 23 mijë raste përfituesish të dëmshpërblimeve në sigurimet e jetës dhe jojetës. 95 milionë euro pagoi e gjithë industria e sigurimeve e rajonit.
Vetëm për katër muajt e parë të vitit në Shqipëri, kompania SIGAL dëmshpërbleu mbi 7,000 përfitues në sigurimet e jetës dhe të jojetës me afërsisht 9 milionë euro pagesa dëmesh.
Në Maqedoni të Veriut, grupi SIGAL pagoi për 4 muajt e parë të vitit 2026 mbi 4.6 milionë euro dëme për mbi 5,700 përfitues në sigurimet e jetës dhe jojetës, ose, e shprehur në monedhën vendase, rreth 283.5 milionë denarë maqedonas.
Në Kosovë, grupi SIGAL pagoi mbi 10,300 raste dëmesh me mbi 3.2 milionë euro në sigurimet e jetës dhe jojetës.
Në të tre vendet e rajonit, industria e sigurimeve pagoi gjatë 4 muajve të parë të vitit 2026 afërsisht 95.5 milionë euro dëme, nga të cilat 36.8 milionë euro u paguan në Maqedoni të Veriut, 31.1 milionë euro në Shqipëri dhe 27.6 milionë euro në Kosovë.
Afërsisht 1 në 5 dëme që industria e sigurimeve pagoi në rajon, 18% e tyre u pagua nga SIGAL Insurance Group.
23 mijë përfitues konkretë dëshmojnë vlerën e një kontrate sigurimi me SIGAL, korrektësinë dhe përpikërinë e grupit në pagesat e shpejta dhe korrekte të dëmeve në 4-mujorin e parë të vitit 2026.
