Kryetari i Rezervës Federale, Jerome Powell, paralajmëroi se normat e interesit ka të ngjarë të rriten më shumë se sa kishin parashikuar politikëbërësit e bankës qendrore.
Duke cituar të dhënat e fillimit të këtij viti që tregojnë se inflacioni ka ndryshuar ngadalësimin që tregoi në fund të vitit 2022, kreu i bankës qendrore paralajmëroi për politikë më të shtrënguar monetare për të ngadalësuar një ekonomi në rritje. Ai shtoi se të dhënat e fundit ekonomike kanë ardhur më të forta se sa pritej, gjë që sugjeron se niveli përfundimtar i normave të interesit ka të ngjarë të jetë më i lartë. Sipas tij nëse tërësia e të dhënave do të tregonte se kërkohet shtrëngim më i shpejtë, FED do të ishte i përgatitur të rrisë ritmin e rritjes së normave.
Këto vërejtje mbartin dy implikime: një, që niveli kulm, ose terminali, i normës së fondeve federale ka të ngjarë të jetë më i lartë se treguesi i mëparshëm nga zyrtarët e FED, dhe e dyta, se rritja e muajit të kaluar në një çerek përqindje më të vogël mund të jetë jetëshkurtër nëse të dhënat e inflacionit vazhdojnë të jenë të nxehta.
Në vlerësimin e tyre të dhjetorit, zyrtarët fiksuan normën e terminalit në 5.1%. Çmimi aktual i tregut u zhvendos më lart pas vërejtjeve të Powell, në një interval prej 5.5% – 5.75%, sipas të dhënave të CME Group. Powell nuk specifikoi se sa të larta mendon se do të jenë normat.
Paralajmërimi vjen në një kohë kur tregjet përgjithësisht janë më optimiste për faktin se banka qendrore mund të zbusë inflacionin pa e çuar ekonominë në greminë.
Stoqet ranë ndjeshëm ndërsa yield-et e thesarit u rritën pasi u publikuan vërejtjet e Powell. Çmimet e tregut gjithashtu u titulluan ndjeshëm në një mundësi të fortë të një rritjeje të normës së interesit me 0.5 pikë përqindje kur të mblidhet Komiteti Federal i Tregut të Hapur në 21-22 Mars.
