Jemi mësuar të dëgjojmë për rëndësinë e punës së palodhur, dhe megjithëse kjo është e vërtetë, ndonjëherë na duhen disa nxitës shtesë për humor dhe motivim në aspiratat tona sipërmarrëse.
Sapo fillojmë karrierën tonë sipërmarrëse, ne hyjmë në qarkun e punës së palodhur dhe përpjekjeve të vazhdueshme.
Menaxhimi i projekteve dhe njerëzve, investimet, delegimi i ngarkesës së punës dhe komunikimi i përditshëm, shumë gjëra njëhokësisht.
Ne e shohim produktivitetin si një virtyt botëror, sa më shumë të arrijmë të arrijmë brenda një dite, aq më të suksesshëm e perceptojmë se jemi.
Të qenet produktiv është çelësi, por duket sikur jemi programuar të besojmë se duhet të jemi produktivë në çdo kohë dhe me çdo kusht.
Duket se harrojmë se, ndonjëherë, produktiviteti nuk gjendet askund.
Këtu janë katër elementë që rregullojnë gjendjen emocionale dhe humorin, që vijnë në ndihmë veçanërisht në periudha të mungesës së tepërt të motivimit.
Nga ana tjetër, nuk ka asgjë të keqe të ndihemi të largët herë pas here. Ajo që vërtetë ka rëndësi, është aftësia jonë për ta rikthyer veten në rrugën e duhur.
Motivimi është kyç ose pse puna e palodhur dhe vendosmëria nuk janë gjithmonë të mjaftueshme në sipërmarrje
Çelësi për krijimin dhe drejtimin e një biznesi të suksesshëm, është është zgjedhja e një fushe ekspertize për të cilën jeni të apasionuar.
Sigurisht, njohuritë dhe aftësitë janë thelbësore, por nëse nuk ju pëlqen ajo që bëni, mund të hasni shumë vështirësi gjatë rrugës.
Në fillim, besojmë se pasioni dhe dashuria jonë për atë që bëjmë, do të ushqejë vazhdimisht motorin tonë dhe e vetmja gjë për të cilën duhet të kujdesemi, është të ofrojmë vendosmëri të pafund dhe punë të palodhur gjatë rrugës.
Megjithatë, ndonjëherë kjo nuk është e mjaftueshme. Rrethanat, pengesat, jeta personale, marrëdhëniet tona me njerëzit dhe pritshmëritë, keqkuptimet dhe besimet, ndonjëherë bien ndesh me dëshirën tonë të pafund për të përparuar.
Kur kjo ndodh, në vend që të ndiheni nën presion dhe të mbingarkuar, më e mira është thjesht të pranoni se situata të tilla ndodhin, dhe të zbatoni një qasje mjaft të ndryshme për trajtimin e tyre.
4 taktika për të rritur humorin për t’ju ndihmuar të ktheheni në rrugën e duhur në punë
Gabimi më i madh që mund të bëjmë është të mohojmë se motivimi ynë ka rënë. Ne jetojmë në një mjedis kaq dinamik dhe me ritme të shpejta, saqë ndonjëherë nuk e lejojmë as veten të përballemi me atë që po ndodh vërtetë me ne.
- Bëni një pushim
Pavarësisht se sa e çuditshme mund të tingëllojë, ndonjëherë të bësh një hap prapa është qasja më e mirë ndaj ndjenjës së mbingarkesës dhe rraskapitjes.
Ndonjëherë motivimi ka tendencën të zbehet ndërsa ne vazhdojmë ta shtyjmë veten shumë fort.
Kjo është rruga më e njohur drejt burnout!
Në sipërmarrje, ne shpesh priremi të mbingarkojmë veten. Atëherë, ndërsa ndiejmë nevojën për t’u shlodhur, ne kemi këtë ndjenjë bezdisëse të dështimit, ndërsa synojmë të përmbushim standardet tona të larta.
Me pak fjalë, kjo mund të jetë potencialisht e dëmshme për shëndetin fizik dhe mendor.
2. Gjeni arsyen e mungesës së motivimit
Kërkoni thellë në veten tuaj, se cila mund të jetë arsyeja kryesore që fshihet pas mungesës së motivimit.
Kjo bën mrekulli, pasi na lejon të kalojmë mbi prioritetet, aspiratat dhe qëllimet tona.
Nga njëra anë, ne jemi në gjendje të heqim qafe qasjet që nuk shërbejnë më.
Nga ana tjetër, vetëm përsëritja e planeve dhe pritshmërive, mund të krijojë shpejt hapësirë për kthimin e motivimit të plotë.
3. Bisedoni me sipërmarrës të tjerë
Komunikimi është vërtetuar të jetë vërtet i dobishëm për njerëzit, pavarësisht nga fusha e tyre e ekspertizës.
Ndonjëherë, kur ndihemi të dëshpëruar ose në vështirësi, zgjidhja më e mirë është të ndajmë shqetësimet dhe mendimet tona me dikë që e kupton vërtet se si ndihemi.
Duke qenë i familjarizuar me punën, një sipërmarrës me të njëjtin mentalitet pune, mund të jetë personi më i mirë, që mund t’ju ndihmojë të ngrini shpirtin tuaj.
4. Ndryshoni këndvështrimin
Pasi të përballeni me rënien motivimit, kjo mund të jetë një mundësi e mirë, që të përpiqeni të ndryshoni këndvështrimin tuaj.
Provoni ta shikoni këtë situatë si një shans që të rriteni, dhe të mendoni më shumë mënyra për të gjetur një zgjidhje.
Shpesh kjo qasje është frymëzuese, duke ju ndihmuar të rifitoni motivimin dhe disponimin tuaj.
Në përgjithësi, unë jam një mbështetës i madh i idesë, që sipërmarrësit dhe pronarët e bizneseve duhet të trajtojnë hapur vështirësitë e tyre, dhe të pranojnë haptazi se nxitimi ndonjëherë mund të jetë thjesht i tepërt.
Kur kjo ndodh, nuk ka asgjë të keqe që ne të përpiqemi të kthejmë motivimin tonë në mënyrën më të mirë që mundemi. /Entrepreneur
