Numri i lartë i aksidenteve të shënuara përgjatë këtij viti është reflektuar edhe në treguesit e kompanive të sigurimit duke rritur ndjeshëm totalin e dëmshpërblimeve të paguara nga kompanitë.
Autoriteti i Mbikëqyrjes Financiare raporton se gjatë periudhës janar-korrik 2021, dëmet e paguara bruto në portofolin e sigurimit motorrik kapën vlerën 2,3 miliardë lekëve, afërisht 23 milionë dollarë, duke pësuar një rritje me rreth 44.53% krahasuar me të njëjtën periudhë të një viti më parë.
Lexo edhe: Frikë të dalësh në rrugë! Siguroni makinën dhe shijoni udhëtimin
Ndërkaq rritje duket se ka shënuar vetëm segmenti i sigurimeve motorrike, duke parë se totali i dëmeve të paguara nga kompanitë është në rënie krahasuar me një vit më parë.
Sa për tregun në total, të ardhurat nga primet e shkruara bruto të sigurimit për periudhën janar-korrik 2021 kapën vlerën 10,9 miliardë lekë, ose 18.62% më shumë se në periudhën janar-korrik 2020.
Gjatë periudhës janar-korrik 2021, numri i kontratave të sigurimit të lidhura arriti në 601,474 me një rritje prej 14.71% krahasuar me periudhën janar-korrik 2020.
