Autoriteti i Mbikëqyrjes Financiare (AMF) dhe Banka Botërore forcojnë bashkëpunimin për reformat financiare dhe integrimin evropian.
Takimi mes Drejtoreshës së AMF-së, Adela Xhemali dhe Menaxherit të ri të Bankës Botërore për Shqipërinë, Massimiliano Paolucci, synoi vlerësimin e ecurisë dhe harmonizimin e prioriteteve për forcimin e sektorit financiar jo-bankar.
Takimin e publikuan edhe rrjetet zyrtare të informacionit të Autoritetit të Mbikëqyrjes Financiare.
Diskutimet përfshinë reformën e sigurimeve, pensioneve dhe përgatitjet për Standarde Ndërkombëtare të Raportimit Financiar (IFRS).
Znj. Xhemali vlerësoi mbështetjen e Bankës Botërore për rritjen e kapaciteteve mbikëqyrëse dhe modernizimin e sistemeve financiare.
Takimi rikonfirmoi angazhimin për përafrimin e ligjeve me standardet e Bashkimit Evropian, për stabilitet financiar, mbrojtjen e konsumatorëve dhe zhvillimin e qëndrueshëm të tregjeve.
