27,090,000,000 Lekë ishte totali i primeve të shkruara bruto nga tregu i sigurimeve në vend për vitin 2025.
Nga këto, 24,655,000,000 Lekë i takojnë segmentit të sigurimeve të jojetës dhe 2,435,000,000 Lekë, segmentit të jetës.
Si vlera nominale, në të dy segmentet, këto janë shifrat më të larta të regjistruara ndonjëherë, duke ardhur të dyja në rritje, por ajo që bie në sy është performanca e segmentit të jetës në raport me totalin.
Për vitin 2025, jeta regjistron 8.99% të totalit, duke shënuar një forcim me 0.44% nga një vit më parë duke ruajtur tendencën rritëse dhe forcuese të segmentit të jetës në raport me totalin e sigurimeve në vend.
