Zv/drejtori i Sigal Invest, Edmond Koçi, i ftuar sot në RTV Ora, sqaroi se si fondet e pensionit privat mund të sigurojnë një të ardhur të dytë për individët, duke plotësuar pensionin shtetëror dhe duke ofruar fleksibilitet investimi sipas mundësive financiare.
” Pensioni shtetëror ashtu siç të gjithë jemi të vetëdijshëm nuk është i mjaftueshëm për të bërë një jetë normale nga ana financiare.
Për këtë arsye ka rreth 20 vite që në Shqipëri janë krijuar fondet e pensionit privat.
Synimi i një fondi të pensionit privat është krijimi i një mundësie të anëtarëve të tij, që kur të jenë në një moshë pensioni të kenë një të ardhur të dytë, e cila i plotëson të ardhurat që kanë nga pensioni shtetëror”, tha zëvendësdrejtori i SIGAL Invest, z. Koçi.
