Tregu global i sigurimeve për kafshët shtëpiake pritet të shënojë një rritje të fuqishme, duke arritur vlerën prej 68.91 miliardë dollarësh deri në vitin 2032.
Këtë të dhënë e jep një raport i SNS Insider.
Nga 15.4 miliardë dollarë në vitin 2023, ky zhvillim përfaqëson një normë mesatare vjetore të rritjes (CAGR) prej 18.13% nga viti 2024 deri në 2032.
Rritja vjen si pasojë e rritjes së shpenzimeve veterinare dhe adoptimit të trajtimeve mjekësore më të avancuara për kafshët.
Ndryshimi i qëndrimit të konsumatorëve, ku kafshët trajtohen si pjesëtarë të familjes, po e shtyn kërkesën drejt sigurimeve më gjithëpërfshirëse.
Në vitin 2023, sigurimet për aksidente dhe sëmundje përbënin 84% të të ardhurave totale, duke treguar preferencën për mbulim të plotë shëndetësor.
Qentë mbetën kafsha më e siguruar në botë, duke zënë 61% të tregut global, për shkak të vizitave më të shpeshta te veterineri dhe rrezikut më të lartë nga sëmundjet dhe aksidentet.
