Vazhdon të rritet fatura e përmbytjeve në Spanjë.
Sipas agjencisë së vlerësimit “Morningstar DBRS”, vetëm humbjet e siguruara i kanë tejkaluar tashmë 4 miliardë eurot.
Ky çmim i siguruar përfshin humbjet e absorbuara nga Consorcio de Compensación de Seguros (CCS), siguruesi i mbështetur nga shteti që ndërhyn kur mbajtësit e policave përballen me humbje nga rreziqe të jashtëzakonshme, si aktet e terrorizmit, fatkeqësitë natyrore etj.
CCS ka vlerësuar se humbjet totale të siguruara ka të ngjarë të arrijnë mbi 4 miliardë euro me dëme shtesë nga sektori i bujqësisë që priten të jenë më shumë se 160 milionë euro.
“Humbjet e siguruara në sektorin e bujqësisë mbulohen kryesisht nga Seguro Agrario Combinado, një formë e bashkësigurimit midis kompanive private në të cilat CCS bashkësiguron drejtpërdrejt rrezikun, duke supozuar një pjesë fikse të kuotës prej 10%“, shpjegon Morningstar.
“Humbjet shtesë të siguruara, që nuk mbulohen drejtpërdrejt nga CCS, do të mbulohen nga kompanitë private të sigurimit, megjithëse ne e konsiderojmë ndikimin e përgjithshëm të menaxhueshëm për sektorin.”
Morningstar pret që humbjet ekonomike dhe të siguruara të gjeneruara nga kjo ngjarje do të jenë më të mëdhatë në historinë e Spanjës, me një numër të konsiderueshëm automjetesh, banesa, biznese dhe ferma bujqësore të prekura.
“CCS” ka marrë 138,317 kërkesa për dëme, nga të cilat 60% kanë të bëjnë me mjete motorike, 32% me prona banimi, 6% me biznese të vogla dhe 2% kishin lidhje me objektet industriale.
LEXO EDHE: Siguracionet që na nevojiten për tu mbrojtur financiarisht nga fatkeqësitë natyrore
Të paktën 227 persona humbën jetën nga përmbytjet në Spanjë më 29 tetor, prej të cilëve 219 vetëm në Valencia.
