Sëmundjet e zemrës janë shkaku kryesor i vdekjeve në botë dhe në Shqipëri.
Shoqata Shqiptare të Kardiologjisë tregon me shqetësim se, vdekshmëria nga këto sëmundje përbën mbi 52% të fataliteteve në vend.
Meshkujt janë ata që vuajnë më shumë nga këto sëmundje.
“Vetëm nga infarki i miokardit dhe insulti cerebral zë 31% të vdekjeve te meshkujt dhe 25% te femrat”.
Sipas studimeve, edhe rastet infarktit të miokardit akut janë rritur vitet e fundit, kryesisht edhe tek moshat e reja.
Shqetësim për mjekët kardiologë është edhe invaliditeti dhe pasojat e rënda që lënë sëmundjet kardiovaskulare.
I tillë ishte edhe rasti i ish deputetit Gerti Bogdani, i cili u nda nga jeta në moshën 44-vjeçare një ditë më parë.
LEXO EDHE: Lamtumirë Gerti Bogdani/ Ish-deputeti përcillet sot në banesën e fundit, homazhe në Kuvend
Por cilat janë shkaqet për këtë fenomen në rritje?
Sipas ekspertëve, faktorët e rrezikut si duhanpirja, alkooli dhe ushqimet e pashëndetshme, janë ndër shkaqet kryesore.
Gjendjet që ndikojnë:
• Hipertensioni arterial
• Kolesteroli i lartë
• Obeziteti
Sipas ekspertëve, edhe Covid-19 ka ndikuar në rritjen e rrezikut të infarktit tek të rinjtë, duke favorizuar dëmtimin kardiovaskular.
Puna nga shtëpia ka ndikuar gjithashtu në përhapjen e zakoneve më pak të shëndetshme dhe të stilit të jetesës sedentare.
Për të reduktuar rrezikun e infarktit, duhet të kujdesemi për veten:
- Mos pini duhan.
- Praktikoni aktivitet fizik të shëndetshëm.
- Ndiqni një regjim ushqimor të mirë, të varfër me yndyra shtazore dhe me përmbajtje të reduktuar kalorike.
- Parandalimi duhet të jetë i vazhdueshëm duke monitoruar presionin e gjakut dhe nivelet e kolesterolit në gjak dhe, nëse është e nevojshme, duke kryer ekzaminime specifike për zemrën.
LEXO EDHE: Pse ‘check up’-et janë të rëndësishme për shëndetin? Çfarë ofron SIGAL UNIQA
