Disa emergjenca të lidhura me motin janë shpallur në të gjithë Europën, përfshirë Italinë, ku përmbytjet fatale kanë pasuar thatësirën e madhe në disa rajone.
Në Boznje-Hercegovinë është shpallur gjendja e jashtëzakonshme pas shiut të rrëmbyeshëm dhe vërshimeve.
Është një nga disa vende europiane që preken nga moti ekstrem, ose përmbytjet, thatësirat, valët e të nxehtit, ose ndonjëherë të tria.
Në Itali, përmbytjet janë nga më të këqijat për një shekull që po shkaktojnë vdekje, lëndime dhe shkatërrime. Provinca veriore e Emilia-Romagna është rajoni më i prekur aktualisht me mbi 20,000 shtëpi dhe biznese të përmbytura.
Përmbytjet vijnë pas një periudhe të zgjatur thatësire që ka prekur pjesën më të madhe të Europës jugore, duke përfshirë pjesë të Spanjës dhe Portugalisë.
Kjo do të thotë se toka është bërë e thatë dhe e fortë, kështu që kur bie shi i dendur, në vend që të absorbohet, uji rrjedh dhe shkakton përmbytje të shpejta.
Sipas ekspertit të klimës së Shërbimit Meteorologjik Hungarez, Olivér Szentes, vetëm këto ngjarje ekstreme nuk janë domosdoshmërish rezultate të ndryshimeve klimatike, por mund të jenë.
Për shembull, kohët e fundit ka pasur shumë shi në kryeqytetin hungarez Budapest, por situata nuk përshkruhet si ekstreme – rrebeshe të tilla janë normale.
Megjithatë, shumë vëzhgues të klimës tregojnë për frekuencën në rritje të valëve të të nxehtit, thatësirave dhe përmbytjeve që ata pretendojnë se janë rezultat i ndryshimeve klimatike.
