Midis realitetit të testuar dhe legjendave, ajo që është e qartë është fakti se teknologjia dhe Inteligjenca Artificiale mund të ndryshojnë mes të tjerash edhe industrinë e sigurimeve.
“2023 do të jetë viti i Inteligjencës Artificiale për Sigurimet”, parashikon Arndt GOSSMANN, CEO i DGTAL, i cili do të jetë pjesë e panelit në Forumin Ndërkombëtar të Sigurimeve-Risigurimeve që mbahet më 25-27 qershor, në Bukuresht.
“DGTAL” po bashkon përvojën e një kompanie sigurimesh gjermane dhe një kompanie zvicerane në fushën e teknologjisë duke synuar të bëhet agjenti i parë plotësisht dixhital.
Në pak më shumë se një vit nga fillimi i punës dhe me zyra në Zyrih, Hamburg, Athinë dhe Kopenhagen, “DGTAL” po punon tashmë në projektet +8 DRILLER dhe HUSTON me klientë nga Gjermania, Britania e Madhe dhe Greqia, në fushat e Sigurimeve dhe Risigurimeve.
Forumi Ndërkombëtar i Sigurimeve-Risigurimeve qëndron si eventi më i rëndësishëm pranveror në Evropën Qendrore dhe Juglindore, kushtuar tregjeve të sigurimeve, risigurimeve dhe pensioneve private.
Këtë vit, në edicionin e saj të 24-të, FIAR do të mbledhë përfaqësues të të gjitha kompanive kryesore evropiane të sigurimeve dhe risigurimeve, shkruan “xprimm“.
