Një shpërthim i fuqishëm ka tronditur rafinerinë e naftës në Dalin, Taivan. Sipas mediave të huaja mësohet se mbrëmjen e kaluar një shpërthim i fuqishëm u raportua në rafinerinë e naftës, ku fatmirësisht nuk pati persona të lënduar.
Nga pamjet e publikuara në rrjet shihen flakët e mëdha të zjarrit që kanë mbuluar uzinën.
Zjarri shpërtheu në orën 22:35 me orën lokale në rrethin Siaogang.
Ndërkohë, në një reagim zyrtar departamenti i Zjarrfikësve i qytetit tha se flakët u shuan në orët e para të mëngjesit sot dhe se askush nuk u lëndua apo u bllokua.
