Shqipëria siguroi kualifikimin në Euro2024 pas barazimit në Kishinau të Moldavisë. Bileta u pre që dy ditë më parë, por festa do të zhvillohet mbëmjen e sotme.
Kuqezinjtë do të ndeshen me Ishujt Faroe nesër, duke nisur nga ora 20:45, ndërsa pas vërshëllimës përfundimtare të arbitrit, “Air Albania” do të shndërrohet në një arenë festive.
FSHF-ja ka dhënë detaje për mbrëmjen e nesërme, duke njoftuar se duke nisur nga ora 23:00 do të zhvillohet një koncert në ambientet e stadiumit.
“Festojmë së bashku kualifikimin e Kombëtares në Euro 2024. Këngëtarë, valltarë, fishekzjarre, koncert i madh bashkë me lojtaët në stadiumin ‘Air Albania’ menjëherë pas ndeshjes. Mos e humbisni. Një natë magjike me yjet e Kombëtares”, njofton Federata Shqiptare e Futbollit.
Gjithashtu, FSHF-ja ka zbuluar edhe moton që do të shoqërojë kuqezinjtë për në Gjermnia. “Po ku ka si ty o Shqipëria ime”, do të jetë motoja e Kombëtares, ndërsa për logon është menduar simboli dallues i shqiptarëve. Bëhet fjalë për dy duar që formojnë shqiponjën dykrenare të vendosura pas trofeut të Kampionatit Europian.
