“Starbucks” është një kompani me një rrjet lokalesh i shtrirë në mbarë botën që shërben vetëm kafe.
Me seli në Seattle, Washington ai është zinxhiri më i madh i “coffeehouse” në botë.
Në fund të vitit 2021, kompania numëronte 33,833 dyqane në 80 vende të ndryshme të botës, 15,444 prej të cilave ndodheshin në Shtetet e Bashkuara.
Të ardhurat e kompanisë për vitin 2021 arritën në vlerën e mbi 29 miliardë dollarëve.
Megjithëse drejtuesit morën një vendim për të reduktuar kostot në përgjithësi, CEO i kompanisë Howard Schultz, nuk ka pranuar të prekë Sigurimin e Shëndetit për të gjithë punonjësit e tij.
Një nga aksionerët u takua me Schultz dhe i propozoi që për shkak të krizës të ulë mbulimin e Sigurimit të Shëndetit për punonjësit me kohë të pjesshme. Por Schultz refuzoi ta bënte një gjë të tillë, pasi Sigurimi i Shëndetit ka një rëndësi të veçantë në mbarëvajtjen e punës.
Kosto për këtë përfitim të punonjësve shkon mbi 300 milionë dollarë, që është më shumë se sa kompania shpenzon në blerjen e kafesë.
