Një banesë është përfshirë nga flakët në fshatin Nikoliq të Hasit.
Ngjarja ka ndodhur në orët e para të mëngjesit.
Fatkeqësisht dy persona, nënë e bir kanë ndërruar jetë.
Në shtëpi jetonte një familje. Djali i shtëpisë Rexh Lushi ka lajmëruar zjarrfikësen e cila është nisur drejt vendngjarjes që është 8 km larg Hasit në një rrugë me kalldrëm.
Ndërkohë zjarri kishte marrë përmasa dhe Rexh Lushi pasi ka shpëtuar bashkëshorten është futur në shtëpi për të nxjerrë nënën e bllokuar mes flakëve, por nuk ka mundur dot të dalë prej andej, sipas gazetares së Top Channel, Dorjana Bezat.
Zjarrfikësit kanë gjetur vetëm trupin e Time Lushit dhe po punohet për gjetjen e djalit të saj.
Shkak për ngjarjen dyshohet një pakujdesi e familjarëve, të cilët mendohet se kanë harruar një ngrohëse ndezur.
Megjithatë një ekip ekspertësh po kryejnë veprimet për identifikimin e shkakut të zjarrit.
LEXO EDHE: Sigurimi i Shtëpisë, mbrojtje për të ardhmen
