Tregu i sigurimeve në Turqi ka regjistruar një rritje të primeve këtë vit, por sipas ekspertëve ai ka nevojë për më shumë mbështetje risigurimi për të mbështetur këtë rritje.
Kjo u theksua gjatë një paneli diskutimi mbi qëndrueshmërinë e tregut turk në të ardhmen.
“Turqia është një treg relativisht i vogël në terma globalë. Është e rëndësishme që tregu turk të ketë gjithmonë nevojë për risigurim të jashtëm për të ardhmen e parashikueshme. Nëse rritni tregun e pronave nga 2% në 7% dhe tregjet ndërkombëtare të risigurimeve nuk vijnë me ju, do të ketë një problem të madh. Është absolutisht jetike që lojtarët kryesorë të bashkohen dhe të sigurojnë që Turqia të perceptohet si një vend i mrekullueshëm për të bërë biznes,” tha menaxheri rajonal i “Lloyd’s” për Lindjen e Mesme dhe Turqinë, Andrew Woodward.
Takimi dy-ditor që po mbahet në Turqi, organizohet nga “Middle East Insurance Review” në partneritet me Konferencën Ndërkombëtare të Sigurimeve të Stambollit
