Një automjet është djegur në orët e para të ditës së sotme në Elbasan.
Ngjarja ka ndodhur rreth orës 03:00, në lagjen “5 Maji”, ku ka rënë zjarr dhe është djegur automjeti tip “Benz”, në pronësi të shtetasit Dritan Turani, banues në Elbasan, i cili ka qenë i parkuar në parkimin e pallatit.
Sipas njoftimit të policisë mësohet se si pasojë e flakëve të zjarrit, janë dëmtuar lehte edhe 2 mjete të tjera, të parkuara aty pranë. Për shuarjen e flakëve punuan 5 zjarrfikës dhe dy automjete.
Grupit hetimor po punon për zbardhjen e rrethanave të ngjarjes dhe përcaktimin e shkaqeve të zjarrit.
