23.5 C
Tirana
Monday, July 4, 2022
spot_img
Faqe KryesoreLajmeAktualitetTremujori I, kontribuesit në pensionet private u shtuan me 2.9%. Fondi SIGAL...

Tremujori I, kontribuesit në pensionet private u shtuan me 2.9%. Fondi SIGAL kryeson tregun

Tregu i pensioneve private vullnetare vijoi rritjen edhe në tremujorin e parë të këtij viti.

Sipas raportit më të fundit nga Autoriteti i Mbikëqyrjes Financiare (AMF), numri total i anëtarëve arriti në 34,555.

Gjatë tremujorit të parë të vitit, numri i anëtarëve të fondeve është shtuar me 2.9% ose afërsisht 1 mijë kontribues.

Vlera e aseteve neto të fondeve të pensionit në fund të muajit mars arriti në 4.86 miliardë lekë ose rreth 40 milionë euro, në rritje me 6% që nga fillimi i vitit dhe me 28.6% krahasuar me një vit më parë.

Deri në fund të tremujorit I, në treg vepronin katër fonde të pensioneve private. Sipas numrit të anëtarëve, aktori më i madh në treg është Credins Pension, me rreth 53.5% të numrit të përgjithshëm të anëtarëve, i ndjekur nga Sigal Pension me 27.7%, Raiffeisen Pension me 9.8% dhe Albsig Pension me 9%.

Për nga vlera e aseteve neto, fondi më i madh është Sigal Pension me 45% të totalit, i ndjekur nga Credins Pension me 29%, Raiffeisen Pension me 22.3% dhe Albsig Pension me 3.7%.

Në vitet e fundit, ky treg po rritet me ritme të shpejta, por mbi një bazë të ulët. Asetet e fondeve të pensioneve janë të investuara kryesisht në obligacione të qeverisë shqiptare.

Këtë vit, pritet që Kuvendi i Shqipërisë të miratojë një ligj ti ri për fondet private të pensioneve.

Projektligji i përgatitur nga AMF propozon rritjen e përjashtimit nga taksat si për kontributet e punëmarrësve, ashtu edhe për ato të punëdhënësve, ndërsa kërkon që pensionet të mos tatohen as në përfitim për pjesën e kontributeve, por vetëm për kthimin nga investimi.

Aktualisht, kufiri maksimal për lehtësitë tatimore mbi kontribut, është vlera më e vogël, që del nga krahasimi i shumës 200 mijë lekë dhe 15% të të ardhurave vjetore bruto të anëtarit.

Sipas projektligjit të propozuar nga AMF, kufiri maksimal mujor i përjashtimit tatimor do të rritej deri në nivelin e pagës minimale të miratuar, që sot do të nënkuptonte një shumë kontributesh prej 30 mijë lekësh në muaj.

Projektligji i përgatitur nga AMF sjell për herë të parë edhe një formë të re të fondit privat të pensionit, atij me pjesëmarrje të mbyllur. Ky fond është i ngjashëm me skemat profesionale të pensioneve që aplikohen aktualisht nga disa kompani), por ndryshimi është se në fondet e mbyllura pjesëmarrja është ligjërisht është e kufizuar vetëm për të punësuarit apo anëtarët e subjekteve të mësipërme.

LEXO EDHE45% të totalit të aseteve, raporti i AMF: Fondi SIGAL, lider në tregun e pensioneve private

spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

REKLAME

spot_img

Me te lexuarat